Burua zaintzea oinez ibiltzea, orekatutako janaria jatea edo behar adina lo egitea bezain naturala izan beharko litzateke. Hala ere, askotan ahazten dugu burua zaintzea ongizatearen oinarri funtsezko bat ere badela.
Urtero irailean, Alzheimeraren Nazioarteko Eguna dela eta, arreta jartzen da gaixotasun honetan, eta ez die eragiten soilik pairatzen dutenei, baita haien familiei eta zaintzaileei ere (gehienetan emakumeak izaten dira). Aurrerapen berriek, gaixotasunaren garapena geldiaraz dezaketen botiketan, itxaropena sortu dute, baina badago beti gogoan izan beharko genukeen alderdi bat: egunero egiten dugunak ere eragina du gure garunaren osasunean.
Nahiz eta frogatuta ez dagoen burua lantzeak prozesu neurodegeneratiboak saihesten dituenik, badaude frogak adimen-jarduera mantentzeak onuragarria izan daitekeela eta, gaixotasun kasuan, bidean sortzen diren erronkei hobeto aurre egiten lagun dezakeela.
Gurutzegramak ebaztea, egunero irakurtzea, xakean jolastea, hizkuntza bat ikastea edo, besterik gabe, lagunekin eta senideekin hitz egitea burua erne eta osasuntsu mantentzen laguntzen duten ariketa sinpleen adibide dira. Bereziki erretiro-garaian, lan-erritmoa jaisten denean eta jarduera kognitiboa gutxitu daitekeenean.
Teknologia ere lagun bikaina izan daiteke: Memory bezalako aplikazioek eta jolasek garuna lantzeko modu entretenigarri eta eskuragarriak eskaintzen dituzte.
Dagoeneko narriadura kognitiboaren diagnostikoa dutenentzat, estimulazioa funtsezko tresna ez-farmakologikoa da, narriadura neurologikoaren berezko portaera-aldaketak kontrolatzen laguntzen duena. (Informazio gehiago artikulu honetan)
SOINHEZI-n mendekotasunaren prebentzioan urteetako esperientzia dugu, eta memoria lantzeko eta estimulazio kognitiborako programa espezializatuak eskaintzen ditugu. Gure helburua pertsona bakoitza bere burua zaintzen laguntzea da, garun osasuntsu, aktibo eta bizi-kalitate handiagoa sustatzen duten baliabide eta jarduera egokituak eskainiz.
Iturria, hemen.
